Bæjarstjórn Sveitarfélagsins Voga

Tekinn fyrir 4. liður úr fundargerð 106. fundar fræðslunefndar frá 23. október 2023: Reglur um niðurgreiðslur dagforeldra



Afgreiðsla fræðslunefndar:

Lögð fram drög að reglum um niðurgreiðslu vegna vistunar barna hjá dagforeldrum Í Sveitarfélaginu Vogum.

Fræðslunefnd samþykkir samhljóða framlögð drög að reglum og vísar þeim til staðfestingar í bæjarstjórn.

Tekinn fyrir 3. liður úr fundargerð 106. fundar fræðslunefndar frá 23. október 2023: Reglur um heimgreiðslur



Afgreiðsla fræðslunefndar:



Lögð fram drög að reglum um heimgreiðslur í Sveitarfélaginu Vogum.

Fræðslunefnd samþykkir samhljóða framlögðd rög að reglum og vísar þeim til staðfestingar í bæjarstjórn.

Tekin fyrir 2. liður úr fundargerð 106. fundar fræðslunefndar frá 23. október 2023: Reglur um leikskólavist í Sveitarfélaginu Vogum



Afgreiðsla fræðslunefndar:

Lögð fram drög að endurskoðuðum reglum um leikskólavist.

Fræðslunefnd samþykkir samhljóða framlögð drög að reglum og vísar þeim til staðfestingar i bæjarstjórn.

Tekið fyrir 2. mál úr fundargerð bæjarráðs frá 10. nóvember 2023:

Fjárhagsáætlun 2024 - 2027.



Afgreiðsla bæjarráðs:

Bæjarráð samþykkir samhljóða að vísa fyrirliggjandi tillögu að fjárhagsáætlun Sveitarfélagsins Voga 2024 og þriggja ára áætlunar 2025-2027 til fyrri umræðu í bæjarstjórn.

Tekið fyrir 3. mál úr fundargerð bæjarráðs frá 10. nóvember 2023: Útsvarsprósenta við álagningu 2024:



Afgreiðsla bæjarráðs:

Bæjarráð leggur til við bæjarstjórn að útsvarsprósenta við álagningu 2024 verði óbreytt 14,74%.



Samþykkt samhljóða að vísa tillögunni til staðfestingar bæjarstjórn.

Tekið fyrir 2. mál af dagskrá 389. fundar bæjarráðrs frá 22.11.203: Viðaukar við fjárhagsáætlun 2023



Afgreiðsla bæjarráðs:

Lagðir fram viðaukar nr. 4 og 5 2023



Viðbragðsáætlanir sveitarfélagsins hafa verið yfirfarnar í tengslum við jarðhræringar á Reykjanesi. Lagt er til að fjárfest verði í varaflstöð og tengibúnaði, kostnaðarmat nemur um 6 m.kr. Lagt er til að aukinni fjárfestingu verði mætt með lækkun á handbæru fé.



Ungmennafélagið Þróttur hefur leitað eftir viðbótar rekstrarframlagi vegna hallareksturs íþróttamiðstöðvar og fjallað hefur verið um undir dagskrárlið 3. Viðauki 5 er háður samþykki bæjarráðs um framlag vegna hallareksturs og nemur 3,82 m.kr. Lagt er til að hækkun rekstrarframlags verði fjármagnað með handbæru fé.



Davíð Viðarsson, sviðsstjóri Umhverfis- og skipulagssviðs sat undir þessum lið og fór yfir framlögð tilboð í varaaflsstöð.



Afgreiðsla:

Bæjarráð frestar afgreiðslu viðauka 4, og staðfestir viðauka 5 og vísar til staðfestingar í bæjarstjórn.

Lögð fram tillaga að breytingu á skipan varamanns í stjórn Reykjanes Jarðvangs.



Í stað Bergs Brynjars Álfþórssonar sem hefur óskað eftir lausn frá störfum í stjórn Reykjanes Jarðvangs á grundvelli 42. greinar samþykkta um stjórn sveitarfélagsins Voga, tekur Friðrik Valdimar Árnason Mýrargötu 11, sæti sem varamaður í stjórn Reykjanes Geopark

Tekið fyrir 1. mál úr fundargerð 55. fundar skipulagsnefndar frá 17.október 2023: Ósk um aukið nýtingahlutfall - Sjávarborg 1 - 3 - 5.



Afgreiðsla skipulagsnefndar:

1. Ósk um aukið nýtingahlutfall - Sjávarborg 1 - 3 - 5 - 2310008



Sverrir Pálmason fyrir hönd Grænubyggðar ehf. óskar eftir auknu nýtingarhlutfalli fyrir lóðirnar Sjávarborg 1, 3 og 5 þannig það verði 0,5, líkt og er við Sjávarborg 2,4,6 og 8. Ekki er um að ræða fjölgun íbúða.



Afgreiðsla skipulagsnefndar: Skipulagnefnd samþykkir að gerð verði breyting á deiliskipulagi Grænuborgar vegna Sjávarborgar 1-3-5 til samræmis við erindið. Er breytingin óveruleg skv. 2. mgr. 43. gr. skipulagslaga nr. 123/2010 og ekki er talin þörf á grenndarkynningu sbr. 44. gr. laganna. Er skipulagsfulltrúa falið að sjá um gildistöku breytingarinnar þegar fullnægjandi skipulagsgögn liggja fyrir.