Bæjarráð Sveitarfélagsins Voga

Lagður fram tölvupóstur framkvæmdastjóra Sambands íslenskra sveitarfélaga, dags. 25.11.2014. Með tölvupóstinum fylgir stefnumótun sambandsins fyrir árin 2014 - 2018, samþykkt í stjórn 21.11.2014. Lagt fram.

Lagt fram bréf framkvæmdastjóra Sambands sveitarfélaga á Suðurnesjum dags. 20.11.2014. Með bréfinu fylgir samþykkt fjárhagsáætlun sameiginlegra rekinna stofnana fyrir árið 2015, ásamt greinargerð fjárhagsnefndar dags. 19.11.2014.

Tekið hefur verið tillit til áætlunar Sambandsins við gerð fjárhagsáætlunar sveitarfélagsins 2015.

Vísað til afgreiðslu í síðari umræðu bæjarstjórnar um fjárhagsáætlun sveitarfélagsins fyrir árin 2015 - 2019.

Lögð fram bókun Heilbrigðisnefndar Suðurnesja sem samþykkt var á fundi nefndarinnar þ. 13.11.2014. Í bókuninni er jafnframt minnt á ósk Heilbrigðiseftirlits Suðurnesja um greinargerð sveitarfélagsins um aðgerðir vegna málsins. Fyrir fundinum liggur einnig greinargerð bæjarstjóra um málið, dags. 28.11.2014. Greinargerðin hefur þegar verið send Heilbrigðiseftirlitinu.

Lögð fram bókun stjórnar Sambands sveitarfélaga á Suðurnesjum sem gerð var á 682. fundi þann 11.11.2014 þar sem vakin er athygli á að núverandi samningur um þjónustusvæði í málefnum fatlaðs fólks á Suðurnesjum renni út um áramótin. Fyrir liggur að ekki er samkomulag um að stofna byggðasamlag með þátttöku allra fimm sveitarfélaganna og ekki er vilji til að semja við leiðandi sveitarfélag um verkefnið. Stjórn S.S.S. vísar því verkefninu til sveitarfélganna og þau leiti leiða til að halda utan um það.

Einnig lagt fram minnisblað bæjarstjóra dags. 1.12.2014 um stöðu mála. Í minnisblaðinu kemur m.a. fram að Félagsþjónusta Sandgerðis, Garðs og Voga hyggist sækja um undanþágu frá ákvæðum laga varðandi lágmarksíbúafjölda (8 þúsund íbúar).

Bæjarstjóra falið að vinna áfram að úrvinnslu málsins.

Lagt fram bréf Snorraverkefnisins, dags. 17.11.2014. Óskað er eftir fjárstuðningi við verkefnið, og eftir atvikum taka einn þátttakanda í starfsþjálfun yfir þriggja vikna tímabil sem hefst í lok júní 2015.
Bæjarráð getur ekki orðið við erindinu.

Málið var til umfjöllunar á 52. fundi Frístunda- og menningarnefndar. Bókun nefndarinnar var eftirfarandi: "Reynsla af samstarfi sveitarfélagsins við Gym heilsu er góð. Nefndin telur jákvætt að skoða samning við Gym heilsu en bendir á að skoða þurfi tímalengd og uppsagnarákvæði." Fundargerð Frístunda- og menningarnefndar var til afgreiðslu á 105. fundi bæjarstjórnar, sem samþykkti að vísa málin til úrvinnslu hjá bæjarráði.

Með fundarboði fylgir minnisblað Frístunda- og menningarfulltrúa, dags. 28.11.2014. Í minnisblaðinu eru helstu atriði samstarfsins við Gym heilsu rakin, og m.a. farið yfir samlegðaráhrif þess. Einnig kemur fram að forsvarsmenn Gym heilsu hafi lýst yfir vilja til að ráðast í endurbætur á tækjum og búnaði, verði samstarfssamningur aðila endurnýjaður.

Bæjarstjóra falið að afla frekari upplýsinga og leggja fram endanlegan samning til samþykktar á næsta fundi bæjarráðs.

Lagt fram bréf Vogahesta dags. 24.11.2014, undirritað af Þorbirni Guðmundssyni formanni. Í bréfinu óskar félagið eftir áframhaldandi samstarfi á grundvelli samstarfssamnings aðila, ásamt því að félaginu verði veittur fjárhagslegur stuðningur til uppbyggingar og viðhalds á svæðinu í Fákadal. Með fundarboði fylgir einnig samstarfssamningur aðila frá 2009.

Bæjarstjóra falið að vinna að gerð endurnýjaðs samstarfssamnings við Vogahesta.

Bæjarráð lauk á fundinum yfirferð sinni við gerð fjárhagsáætlunar 2015. Bæjarstjóra falið að útfæra áætlunina.
Fulltrúi D-lista leggur til að niðurgreiðslur til almenningssamgangna verði 1,7 m.kr. á árinu 2015. Tillagan er felld með tveimur atkvæðum gegn einu.
Fulltrúi D-lista leggur til að vatnsskattur verði 0,12% í stað 0,15% eins og lagt er til í áætluninni. Tillagan er felld með tveimur atkvæðum gegn einu.

Áætluninni vísað til síðari umræðu í bæjarstjórn þann 17.12.2014.

Lagður fram tölvupóstur Nefndarsviðs Alþingis, dags. 17.11.2014. Umhverfis- og samgöngunefnd sendir til umsagnar frumvarp til laga um tekjustofna sveitarfélaga (afnám lágmarksútsvars), 29. mál.

Lagður fram tölvupóstur frá Nefndarsviði Alþingis, dags. 17.11.2014. Umhverfis- og samgöngunefnd Alþingis sendir til umsagnar tillögu til þingsályktunar um millilandaflug um Hornafjarðarflugvöll, 32. mál.

Lagður fram tölvupóstur Nefndarsviðs Alþingis, dags. 20.11.2014. Umhverfis- og samgöngunefnd Alþingis sendir til umsagnar tillögu til þingsályktunar um millilandaflug um Vestmannaeyjaflugvöll og Ísafjarðarflugvöll, 121. mál.

Lagður fram tölvupóstur Nefndarsviðs Alþingis, dags. 24.11.2014. Allsherjar- og menntamálanefnd sendir til umsagnar tillögu til þingsályktunar um kaup ríkisins á Grímstöðum á Fjöllum, 55. mál.

Lagður fram tölvupóstur Nefndarsviðs Alþingis, dags. 27.11.2014. Allsherjar- og menntamálanefnd Alþingis sendir til umsagnar tillögu til þingsályktunar um dag helgaðan fræðslu um mannréttindi barna, 397. mál.

Lagður fram tölvupóstur Nefndarsviðs Alþingis, dags. 28.11.2014. Velferðarnefnd alþingis sendir til umsagnar frumvarp til laga um 40 stunda vinnuviku (færsla frídaga að helgum), 258. mál.

Lagður fram tölvupóstur Nefndarsviðs Alþingis, dags. 28.11.2014. Velferðarnefnd alþingis sendir til umsagnar frumvarp til laga um almannatryggingar (aldurstengd örorkuuppbót), 35. mál.

Lögð fram fundargerð 822. fundar stjórnar Sambands íslenskra sveitarfélaga, haldinn 21. nóvember 2014.

Lögð fram fundargerð 683. fundar stjórnar Sambands sveitarfélga á Suðurnesjum, haldinn 18. nóvember 2014.