Bæjarráð Sveitarfélagsins Voga

Vikuyfirlit bæjarstjóra (vinnuskjöl) vikur 14 og 15.

Lagt fram.

Uppgjör 1. ársfjórðungs 2016 (málaflokkayfirlit, deildayfirlit, rekstrarreikningur, efnahagsreikningur og sjóðsstreymi).
Rekstur fyrsta ársfjórðungs er í ágætu samræmi við samþykkta fjárhagsáætlun.

Lagt fram.

Heilbrigðiseftirlit Suðurnesja hefur gefið út starfsleyfi Vatnsveitu Voga. Handbók um innra eftirlit veitunnar er tilbúin og er lögð fram til staðfestingar hjá bæjarráði.

Starfsleyfið lagt fram. Bæjarráð samþykkir handbók veitunnar.

Drög að samkomulagi um lóðaúthlutun Heiðarholts 5 til Ísaga ehf, sem hyggst reisa súrefnis- og köfnunarefnisverksmiðju á lóðinni. Jafnframt liggur fyrir viljayfirlýsing Ísaga ehf. þess efnis að starfsemi félagsins muni á næstu árum flytjast í sveitarfélagið.

Viljayfirlýsingin lögð fram. Bæjarráð samþykkir samkomulagið fyrir sitt leyti.

Kostnaðaráætlun vegna utanhússklæðningar á Stóru-Vogaskóla liggur fyrir. Einnig tilboð um færanlega kennslustofu, sem og kostnaðaráætlun við að flytja færanlega kennslustofu frá leikskóla að grunnskóla.

Gögnin lögð fram til kynningar. Bæjarstjóra er falin áframhaldandi úrvinnsla málsins ásamt því að afla frekari upplýsinga um valkosti þá sem eru í stöðunni.

Erindi Golfklúbbs Vatnsleysustrandar dags. 05.04.2016, sem óskar eftir skoðun á þeim möguleika að taka upp strætósamgöngur á milli Voga og Kálfatjarnarvallar í sumar.

Bæjarráð getur ekki orðið við erindinu.

Breyttar forsendur framkvæmda 2016, m.a. vegna þess að ekki þarf að ráðast í gatnagerð á iðnaðarsvæðinu við Vogabraut, eins og upphaflega var ráðgert.

Drög að endurskoðaðri framkvæmdaáætlun lögð fram. Einnig lögð fram endurskoðuð kostnaðaráætlun vegna framkvæmda við Iðndal og við húsnæði bæjarskrifstofu. Einnig lagt fram minnisblað bæjarstjóra um málið, dags. 18.04.2016.

Málið kynnt. Ákvörðun frestað til næsta fundar.

Erindi Sambands íslenskra sveitarfélaga dags. 31.03.2016. Kynntar eru hugsanlegar breytingar á skipulagi og framkvæmd heilbrigðiseftirlits sveitarfélaga. Óskað er eftir að sveitarstjórnir ræði þau álitamál sem rakin eru í bréfinu.

Lagt fram.

Gestur fundarins er Sigrún Árnadóttir bæjarstjóri Sandgerðisbæjar, sem fer yfir starfsmannamál Félagsþjónustu Sandgerðis, Garðs og Voga.

Málið kynnt.

Fundargerð 383. fundar stjórnar Hafnasambands Íslands.

Fundargerðin lögð fram.

Fundargerð stjórnar Samtaka sveitarfélaga á köldum svæðum, dags. 19.02.2016.

Fundargerðin lögð fram.

Fundargerð stjórnar Öldungaráðs Suðurnesja dags. 04.04.2016.

Fundargerðin lögð fram.

Fundargerð 9. fundar stjórnar BS, ásamt ársreikningi BS fyrir árið 2015.

Fundargerðin lögð fram. Bæjarráð staðfestir ársreikninginn fyrir sitt leyti.