Bæjarráð Sveitarfélagsins Voga

Ársskýrsla Miðstöðvar símenntunar á Suðurnesjum lögð fram. Ársskýrslan inniheldur jafnframt endurskoðaðan ársreikning 2014.

Boð Reykjavíkurborgar á málþing um kynjaða fjárhags- og starfsáætlun lagt fram.

Fjárlaganefnd Alþingis býður fulltrúum sveitarfélaga til viðtals um fjármál sveitarfélaga í tengslum við vinnu nefndarinnar við fjárlagafrumvarp fyrir árið 2016.

Lögð fram til kynningar niðurstaða könnunar Varasjóðs húsnæðismála um leiguíbúðir sveitarfélaga 2014.

Lagt fram erindi Atvinnu- og nýsköpunarráðuneytisins dags. 2. september 2015, auglýsing umsóknar um byggðakvóta fiskveiðiársins 2015/2016.

Lagt fram erindi Ísaga ehf. dags. 22.09.2015. Í erindinu er lýst áformum fyrirtækisins um uppbyggingu nýrrar súrefnis- og köfnunarefnisverksmiðju á iðnaðarsvæði við Vogabraut, ásamt því að starfsemi fyrirhugaðrar verksmiðju er lýst nánar í erindinu. Í erindinu er þess farið á leit við Sveitarfélagið Voga að það gefi á þessu stigi umsögn um fyrirhugaða framkvæmd og þeirri breytingu sem fyrirséð er að gera þurfi á deiliskipulagi vegna hæðar kæliturns og tanka, áður en lengra er haldið í undirbúningi.
Bæjarráð fagnar áhuga Ísaga ehf. og tekur jákvætt í erindið. Erindinu er vísað til umfjöllunar hjá Umhverfis- og skipulagsnefnd, hvað varðar skipulagsþætti málsins.

Lögð fram erindi Velferðarráðuneytisins dags. 01.09.2015 og 01.09.2015, varðandi móttöku flóttafólks og aðild sveitarfélaga að því. Ráðuneytið óskar eftir því að þau sveitarfélög sem hafa áhuga á að taka á móti flóttafólki láti ráðuneytið vita.

Lagt fram erindi skólastjóra Stóru-Vogaskóla vegna aukins stuðnings við nemendur í 1. og 2. bekk. Óskað er eftir að gerður verði viðauki við fjárhagsáætlun 2015 vegna þessa, kostnaður til áramóta er um 1.157 þús.kr.
Bæjarráð samþykkir erindið, og felur bæjarstjóra að leggja fram viðauka við fjárhagsáætlun til samþykktar á næsta fundi bæjarráðs.

Lagt fram erindi Sambands sveitarfélaga á Suðurnesjum, dags. 14.09.2015, tilnefning sveitarfélagsins í stjórn sambansins fyrir næsta starfsár. ´
Bæjarráð samþykkir að fulltrúi Sveitarfélagsins Voga verði Ingþór Guðmundsson (aðalmaður), til vara Birgir Örn Ólafsson.

Lagður fram tölvupóstur skipulags- og byggingafulltrúa dags. 28.08.2015, áætlun um kostnað vegna tímabundins átaksverkefnis í umhverfismálum. Áætlaður viðbótarkostnaður vegna átaksins er rúmar 800 þús.kr. til áramóta.
Afgreiðslu málsins er frestað, og því vísað til meðferðar við gerð fjárhagsáætlunar 2016 - 2019.

Lagt fram erindi Sr. Kjartans Jónssonar sóknarprests, beiðni um fjárhagsstuðning við starfrækslu barnakórs fyrir börn í sveitarfélaginu á aldrinum 6 - 12 ára. Áætlaður kostnaður við verkefnið til vors er kr. 580.000.
Bæjarráð samþykkir að styrkja verkefnið til reynslu til áramóta, fjárveiting er kr. 150.000. Fjárveitingin bókast á liði 0589-9991.

Lagt fram erindi Björns Sæbjörnssonar f.h. bæjarfulltrúa D-listans, tillaga um að sveitarfélagið komi að hátíðarhöldum á 17. júní.
Málinu vísað til Frístunda- og menningarnefndar til frekari umfjöllunar. Málinu jafnframt vísað til meðferðar við gerð fjárhagsáæatlunar 2016 - 2019.

Lagt fram minnisblað Sambands íslenskra sveitarfélaga vegna vinnslu fjárhagsáætlana vegna áranna 2016 - 2019, dags. 14.09.2015. Í minnisblaðinu kemur m.a. fram að útlit er fyrir mun meiri verðhækkanir á næsta ári eftir að niðurstöður kjarasamninga lágu fyrir, en gert var ráð fyrir í þjóðhagsspá sem birt var um mánaðamótin apríl / maí. Þannig má gera ráð fyrir að 4,5% hækkun vísitölu neysluverðs í stað 3,0% hækkunar samkvæmt fyrri spá.
Lögð fram útkomuspá vegna reksturs sveitarfélagsins fyrir yfirstandandi ár. Samkvæmt niðurstöðum útkomuspárinnar er gert ráð fyrir að rekstrarafkoma sveitarfélagsins batni um 8,2 m.kr. frá upphaflegri fjárhagsáætlun, aðallega vegna hærri tekna.

Lagt fram málaflokkayfirlit reksturs sveitarfélagsins fyrir mánuðina janúar - ágúst 2015.

Lagt fram erindi Sr. Kjartans Jónssonar dags. 15.09.2015, beiðni um gjaldfrjáls afnot af sal sveitarfélagsins vegna námskeiðahalds á vegum kirkjunnar.
Bæjarráð samþykkir erindið, enda verði greitt fyrir kostnað vegna umsjónarmanns salarins.

Lagt fram minnisblað bæjarstjóra dags. 21.09.2015, ásamt drögum að viðauka við ráðningarsamning bæjarstjóra kjörtímabilið 2014 - 2018. Bæjarráð samþykkir erindið. Bæjarstjóri vék af fundi undir þessum lið.

Lagt fram erindi Innanríkisráðuneytisins, drög að frumvarpi um breytingu á lögum um tekjustofna sveitarfélagsins send til umsagnar.

Lagt fram erindi Sýslumannsins í Keflavík dags. 04.09.2015, beiðni um umsögn við umsókn um leyfi til reksturs gististaðar.
Bæjarráð gerir ekki athugasemdir við umsóknina.

Lögð fram fundargerð 376. fundar stjórnar Hafnasambands Íslands.

Lögð fram fundargerð 462. fundar stjórnar Kölku, Sorpeyðingarstöðvar Suðurnesja.
Lagt fram bréf framkvæmdastjóra Kölku dags. 21.09.2015 vegna breytts fyrirkomulags gjaldtöku.

Lögð fram fundargerð 693. fundar stjórnar SSS.

Lögð fram fundargerð 830. fundar stjórnar Sambands íslenskra sveitarfélaga

Lögð fram fundargerð 20. fundar stjórnar Reykjanes jarðvangs.
Lögð fram fundargerð aðalfundar Reykjanes jarðvangs 2015.

Lögð fram fundargerð 45. fundar stjórnar Heklunnar, Atvinnuþróunarfélags Suðurnesja.