Afgreiðslufundur byggingarfulltrúa

1.

1302046 - Umsókn um stöðuleyfi fyrir gám á lóðinni Tjarnargata 4, Vogum

Jóhann Björn Jóhannsson sækir um stöðuleyfi fyrir 40 feta gám til 12 mánaða á lóðinni Tjarnargata 4 til smíðaaðstöðu og geymslu meðan uppgerð á húsinu fer fram, skv. umsókn dags. 05.03.2013 og afstöðuuppdrætti.

Fyrir liggur umsögn umhverfis- og skipulagsnefndar frá 19.03.2013 þar sem ekki er gerð athugasemd við að veitt sé stöðuleyfi í samræmi við umsókn.

Afgreiðsla: Stöðuleyfi veitt í 12 mánuði eða til 18. mars 2014, samræmist mannvirkjalögum nr. 160/2010 og byggingarreglugerð nr. 112/2012.

2.

1303016 - Umsókn um byggingarleyfi girðingar Tjarnargata 4 (Garðhús)

Jóhann Björn Jóhannsson sækir um byggingarleyfi fyrir girðingu á lóðarmörkum Tjarnargötu 4, skv. umsókn dags. 05.03.2013. Girðing er 1,8 m á hæð, úr timbri með niðursteyptum staurum og er á tvær hliðar, norður og vestur, sem snúa niður að sparkvelli og niður með húsinu í átt að skóla.

Fyrir liggur samþykki nágranna að Vogagerði 12.

Afgreiðsla: Samþykkt, samræmist mannvirkjalögum nr. 160/2010 og byggingarreglugerð nr. 112/2012.