Skipulagsnefnd Sveitarfélagsins Voga

CanAm Iceland Hill Rally óska eftir leyfi vegna afnota á vegum sveitarfélagsins undir rallykeppni 6.-8. ágúst 2026.

Vegna fyrirspurna um bílastæði fyrir stóra bíla leggur umhverfis- og skipulagssvið til að skoðað verði svæði sem henti vel undir slík bílastæði.

Róbert Svavarsson sendir inn teikningar vegna fyrirhugaðrar viðbygginga við Brekkugötu 3. Um er að ræða viðbyggingu sem gert er ráð fyrir að verði forstofa, þetta rými mun tengja aðalbyggingu og bílskúr saman í eina heild, 12,2 fm.

Einnig er um að ræða aðra viðbyggingu 44,7 fm sem stækkun til suðvesturs, í þeirri byggingu er gert ráð fyrir alrými þar sem reiknað er með að vera með heitapott og setstofu.

Tekin fyrir skrá yfir vegi í náttúru Íslands sem er skrá yfir vegi aðra en þjóðvegi sem sveitarstjórn skal skrá samhliða gerð aðalskipulags skv. 32. gr. laga um náttúruvernd nr. 60/2013. Fyrir liggur tillaga að skrá yfir þá vegi sem koma til greina skv. leiðbeiningum Skipulagsstofnunar.

Eigenda að Iðndal nr. 23, bil 103 og 104, krefst þess að sveitarfélagið lagfæri aðkomu að baklóð lóðarinnar. Vegstubbur á milli lóðanna Iðndalur 15 og Iðndalur 23, sem tilkomin er með breytingu á skipulagi frá 2017, hefur verið þannig útfærður að hann nýtist Iðndal 23 ekki. Veghæðin er ekki í samræmi við hæð lóðarmarka að iðndal 23. Skv. skipulagi frá 2017 átti vegstubbur að vera aðkomuleið að baklóðum lóða við Iðndal 15 og 23.

Eigandi að bilum 103 og 104 við Iðndal 23 fasteignanúmer 2246732 og 2246733 óskar eftir heimild til að breyta notkun húsnæðisins (2246732 og 2246733) og standsetja íbúðir á fyrstu og annari hæð í umræddum bilum, beiðni á grundvelli gildandi aðalskipulags og endurskoðað aðalskipulag 2024-2040 (sem er í vinnslu). Lóðin er staðsett á miðsvæði M1 þar sem heimilt er að hafa íbúðir á efri hæðum. Eigandi óskar eftir heimild fyrir að koma fyrir íbúðum á neðri hæð einnig, líkt og fordæmi eru fyrir á umræddu miðsvæði M1.

Lögð er fram vinnslustillaga svæðisskipulags. Margvíslegar breytingar hafa orðið á mikilvægum forsendum sem snúa að Suðurnesjum. Vegna þessara breytinga var ákveðið að endurskoða stefnu svæðisskipulagsins um auðlindir, samgöngur og veitur, atvinnu og samfélag. Jafnframt er lögð fram stefna sem tekur til náttúruvár, loftslagsmála, auðlinda, innviða og heimsmarkmiða.

Tilgangur með endurskoðun svæðisskipulagsins er jafnframt að draga fram mikilvægi þeirra fyrir hagsmuni Suðurnesja og móta þá umgjörð sem þarf að fylgja til að tryggja fjölbreytta hagsmuni samfélags, umhverfis og efnahags. Kynningartími frá 4. des til og með 30. janúar nk.

Lögð eru fyrir lokadrög skýrslu um iðnaðar á Keilisnesi sem Alta ráðgjöfar unnu. Yfirlit yfir helstu forsendur um svæðið og mögulega uppbyggingu svæðisins.