Skipulagsnefnd Sveitarfélagsins Voga

Haldið áfram með vinnu við endurskoðun aðalskipulags sveitarfélagsins. Ómar Ívarsson skipulagsfræðingur tekur þátt í þessum dagskrárlið í gegnum fjarfundabúnað.

Tekið fyrir að nýju eftir auglýsingu í samræmi við 1. mgr. 41. gr. skipulagslaga nr. 123/2010.

Fyrirhugað er að setja 84 fm. kennslustofu við leikskólann Suðurvelli til að mæta fjölgun leikskólabarna í sveitarfélaginu. Ekki liggur fyrir deiliskipulag og var því málið kynnt nágrönnum og barst athugasemd á kynningartíma.

Óskað er eftir undanþágu frá skipulagi með það að leiðarljósi að hafa eina byggingu samtal 200 fm í stað 2 bygginga (150 fm 50 fm). Byggingareitur er þröngur vegna 100 metra fjarlægðarlínu frá Reykjanesbraut.

Haukur Ásgeirsson sendir inn fyrirspurnarteikningu fyrir lóð Hrafnaborgar 11. Óskað er eftir því að lóð nr. 11 verði stækkuð þannig að göngustígur er sveigður til og byggingarreitur og lóð stækki. Ætlunin er að eins raðhús verði þá á lóðum 7, 9, 11 og 13.

Skipulags- og matslýsing, breyting á aðalskipulagi Hafnarfjarðar 2013-2025 og nýjar deiliskipulagsáætlanir fyrir borteiga Coda Terminal. Á svæðinu verða skipulagðir 8 nýir iðnaðarsvæðisreitir á aðalskipulagsstigi. Áætluð stærð hvers iðnaðarsvæðisreits er um 0,7 ha. Staðsetning reita á þessu stigi er til viðmiðunar og endanleg staðsetning mun koma fram í skipulagsgögnum. Deiliskipulagsbreytingar og/eða nýjar deiliskipulagsáætlanir verða unnar fyrir iðnaðarsvæðisreiti. Skipulagsbreytingar þær sem hér er lýst miða að því að koma fyrir borteigum með nauðsynlegum veg- og lagnatengingum, en borteigur er hugtak sem notað er yfir svæði þar sem niðurdæling koldíoxíðs fer fram.

Skipulagslýsing vegna breytingar á Aðalskipulagi Reykjanesbæjar 2020-2035 og nýs deiliskipulags fyrir íbúðabyggð í Keflavíkurborgum. Gert er ráð fyrir að breyta landnotkun á hluta opins 38,0 ha., svæðis OP6 í íbúðarsvæði. Breytingin mun taka til 43,0 ha. svæðis. Núverandi landnotkun svæðisins er skilgreind sem opið svæði. Ástæða breytingar er að skortur er á íbúðarlóðum í Reykjanesbæ. Fyrirhugað er að stækka núverandi íbúðarsvæði (íb25) sem er 5,0 ha. um 24, ha. Gert er ráð fyrir að íbúðasvæði verði ca 29,0 ha. að stærð.

Aðalskipulagsbreyting Höfnum - Hvammur og Selvogur. Hvammur, verður með skilgreinda landnotkun sem frístundabyggð í stað opins svæðis ætlað fyrir samfélagsþjónustu. Við breytnguna minnkar það land sem er ætlað sem opið svæði um 0,34 ha og undir samfélagsþjónustu um 0,06 ha sbr. gildandi landnotkunaruppdrátt aðalskipulagsins. Seljavogur 2a L129943, um 0,8 ha af 3.3 ha verður með skilgreinda landnotkun sem íbúðarbyggð ásamt hverfisvernd að hluta í stað opins svæðis og hverfisvernd að hluta sbr. gildandi þéttbýlisuppdrátt aðalskipulagsins.

Vatnsnes breyting á aðalskipulagi. Breyting á miðsvæði Vatnsness, M9. Svæðið er um 18,5 ha. Núgildandi aðalskipulag gerir ráð fyrir 600 íbúðum á svæðinu. Við breytinguna fjölgar íbúðum í 1250 og heildar byggingarmagn eykst sem gerir ráð fyrir íbúðum og annarri þjónustu á svæðinu.