Skipulagsnefnd Sveitarfélagsins Voga
Dagskrá
1.Hafnargata 101, uppbygging og þróun.
2104054
Aðilar sem sýnt hafa lóðinni áhuga er boðið á fund nefndarinnar. Þeim gefst kostur á að leggja fram sínar hugmyndir og heyra afstöðu nefndarinnar.
Afgreiðsla skipulagsnefndar: Nefndin þakkar aðilum fyrir komuna á fundin og fyrir samtalið.
2.Umsókn um byggingarleyfi - Narfakot
2309030
Sótt er um byggingarleyfi fyrir 40 fm bragga skemmu sem nýtt verður sem geymsla. Framkvæmdin er í samræmi við aðalskipulag en ekki liggur fyrir deiliskipulag. Óskað er eftir leyfi án deiliskipulagsgerðar skv. 44. gr skipulagslaga nr. 123/2010
Afgreiðsla skipulagsnefndar: Skipulagsnefnd heimilar að umsókn um byggingarleyfi verði grenndarkynnt í samræmi við 44. gr. skipulagslaga nr. 123/2010. Málsmeðferð umsóknar um byggingarleyfi verði í samræmi við ákvæði laga um mannvirki nr. 160/2010 og byggingarreglugerð nr. 112/2012.
3.Mál til umsagnar - frumvarp til laga um tímabundnar undanþágur frá skipulags- og byggingarlöggjöf
2310024
Umhverfis- og samgöngunefnd Alþingis sendir inn erindi til umsagnar varðandi frumvarp til laga um tímabundnar undanþágur frá skipulags- og byggingarlöggjöf og skipulagi.
Afgreiðsla skipulagsnefndar: Erindið lagt fyrir, nefndin hefur engar athugasemdir við frumvarpið.
Fundi slitið - kl. 19:00.
