Skipulagsnefnd Sveitarfélagsins Voga
Dagskrá
1.Ósk um lóð á Keilisnesi (Flekkuvík)
2305062
Aðilar BM Vallár kynna sveitarfélaginu starfsemi sína og mögulega framtíðaruppbyggingu sem gæti átt sér stað í sveitarfélaginu. Ráðgjafar Alta ráðgjafafyrirtækis sitja fundinn undir þessum dagskrárlið.
Afgreiðsla skipulagsnefndar: Nefndin þakkar Þorsteini Víglundssyni frá BM Vallá fyrir góða og áhugaverða kynningu. Erindinu vísað í áframhaldandi vinnu við þróun og uppbyggingu á svæðinu.
2.Keilisnes - þróun og uppbygging iðnaðarsvæðis
2305063
Ráðgjafar Alta fara yfir stöðuna á verkefninu.
Afgreiðsla skipulagsnefndar: Nefndin þakkar Árna Geirssyni frá Alta fyrir yfirferðina.
3.Lenging sjóvarnar við Breiðagerðisvík
2309021
Vegagerðin óskar eftir framkvæmdaleyfi til þess að halda áfram með framkvæmdir við sjóvarnir í Breiðagerðisvík. Um er að ræða 220 m lengingu á sjóvörnum.
Afgreiðsla skipulagsnefndar: Nefndin samþykkir framkvæmdaleyfi með fyrirvara um samþykki bæjarráðs fyrir fjármögnun sveitarfélagsins í verkefninu.
4.Endurskoðun aðalskipulags Keflavíkurflugvallar
2309023
Óskað er umsagnar á skipulags- og matslýsingu vegna endurskoðunar á aðalskipulagi Keflavíkurflugvallar. Í lýsingu er gerð grein fyrir tildrögum skipulagsvinnunnar og hvernig fyrirhugað er að standa að skipulagsgerðinni auk þess sem megin áherslur eru skilgreindar, helstu forsendur við endurskoðunina og fjallað um fyrirkomulag samráðs og kynninga. Umhverfismat verður unnið samhliða endurskoðun aðalskipulags Keflavíkurflugvallar.
Afgreiðsla skipulagsnefndar: Nefndin gerir ekki athugasemd við skipulags- og matslýsingu vegna endurskoðunar á aðalskipulagi Keflavíkurflugvallar.
Fundi slitið - kl. 19:15.
