Fræðslunefnd Sveitarfélagsins Voga
Mættir voru: Fanney Ingvaldsdóttir, Bergur Álfþórsson, Oktavía Ragnarsdóttir, Salvör
Jóhannesdóttir, María Hermannsdóttir og Áshildur Linnet sem jafnframt ritaði fundargerð.
Fundur settur kl. 18:00
1. Málefni leikskóla
a) Áshildur spurðist fyrir um inntöku barna í haust og starfsmannamál. Salvör
greindi frá því að ekki væri komið í ljós hvenær þau börn sem hætta núna í sumar
og haust koma til með að hætta. María greindi frá að a.m.k. hætti 16 börn í haust.
Helga Friðfinnsdóttir og Dagmar Eiríksdóttir mættu til fundar kl. 18:16
b) Bergur spurðist fyrir um hvernig biðlistar stæðu núna. Greindi Salvör frá því að
ekki væri hægt að gera sér fulla grein fyrir fjölda barna sem í raun væru á biðlista
þar sem mörg hefðu ekki náð aldri og önnur væru ekki flutt til sveitarfélagsins en
samt komin á biðlista.
c) Oktavía spurði útí vistun yngstu barna og hvort hámark væri á lengdinni. Salvör
greindi frá því að ekki væri neitt hámark á vistunartíma. Umræður um
vistunartíma.
d) Áshildur spurðist fyrir um framkvæmdir við lóð, hvernig þær ganga og hvort
frekari framkvæmda væri þörf. Salvör greindi frá því að búið sé að setja upp
girðinguna en verið sé að leggja gangstéttina. Gert er ráð fyrir að nýr inngangur
verði tekinn í notkun næstu daga. Nauðsynlegt er að endurnýja girðinguna allan
hringinn. Umræður um lóðina og vandamál við vatnssöfnun o.fl. Greindi Salvör
frá því að ekki hefði verið komist algerlega fyrir þau vandamál sem glímt hefur
verið við vegna vatnssöfnunar þó svo að ástandið væri betra en áður.
e) Bergur spurðist fyrir um hvort leikskólinn væri að nýta sérkennsluúrræði. Salvör
greindi frá því að greiningar hafi farið í gegnum Heilbrigðisstofnun Suðurnesja
og nýlega hafi verið gerður samningur við sálfræðing. Þar með er
sálfræðiþjónusta og talmeinaþjónusta orðin aðgreind og telur Salvör að það verði
betra fyrirkomulag. Greindi hún frá því að allir þeir samningar sem gerðir hafa
verið eru til bráðabyrgða.
f) Helga spurðist fyrir hvort Salvör teldi leikskólann fá næga sérfræðiþjónustu.
Salvör greindi frá því að þjónustan hafi ekki verið næg og þess vegna hafi nýlega
verið bætt við samningi við sálfræðing.
Snæbjörn Reynisson mætti til fundar kl. 18:30 og á sama tíma véku Salvör Jóhannesdóttir og
María Hermannsdóttir af fundi.
2. Málefni grunnskóla
a) Áshildur spurðist fyrir um hvort þörf væri á sérstökum undirbúningi fyrir
samræmd próf í 10. bekk. Snæbjörn taldi að það væri nauðsynlegt að hafa
aukatíma líkt og undanfarin ár. Nú væru 18 nemendur að fara í samræmd próf.
Fræðslunefnd beinir því til bæjarstjórnar að samþykkt verði auka fjárveiting til að
hægt verði að kenna 10 aukatíma í hverri grein til samræmds prófs.
b) Helga spurðist fyrir um hvort grunnskólinn fái næga sérfræðiþjónustu fyrir
nemendur skólans. Snæbjörn telur sérfræðiþjónustuna ganga vel og ekki hefur
2
verið bið eftir þjónustu undir hinu nýja fyrirkomulagi. Hann taldi þó að
samningar verði endurskoðaðir og hugsanlega verði farið í samstarf við
Sandgerði og Garð til að ná hagstæðari samningum.
Guðbjörg Kristmundsdóttir mætti til fundar kl. 18:40
c) Bergur spurðist fyrir um hvernig gengi með eineltisáætlunina. Snæbjörn greindi
frá að Olweusaráætlunin væri í gangi. Frekari umræður undir þessum lið færðar í
trúnaðarmálabók.
d) Snæbjörn greindi frá niðurstöðu úr dómsmáli E1783/2005 við Héraðsdóm
Reykjaness. Bergur spurðist fyrir hvers vegna fræðslunefnd hefði ekki frétt af
þessu dómsmáli fyrr en dómur er fallinn. Snæbjörn taldi athugasemd Bergs eiga
fullan rétt á sér. Tók hann fram að skólanum hefði ekki verið stefnt heldur
sveitarfélaginu.
3. Önnur mál
a) Dagmar greindi frá því að foreldrafélag grunnskólans hyggðist reyna að
tölvuvæða samskipti félagsins við foreldra vegna dræmrar mætingar á fundi
foreldrafélagsins. Er það von stjórnar félagsins að þetta auki á samskipti milli
foreldra. Foreldrafélagið þarf því að fá svæði inná heimasíðu skólans. Dagmar
greindi einnig frá því að stjórn foreldrafélagsins hefur verið í sambandi við
bekkjarfulltrúa til að kanna hvað gert hefur verið.
Fleira ekki rætt og fundi slitið kl.19:30
