Frístunda- og menningarnefnd Sveitarfélagsins Voga

Farið var yfir dagskrá Fjölskyldudaga. Einnig var farið yfir atriði sem komu fram á fundi með fulltrúum þátttökufélaga að lokinni hátíð. Frístunda- og menningarfulltrúi fór jafnframt yfir stöðu fjárhagsliða hátíðarinnar.

Afgreiðsla FMN.
Nefndin telur að vel hafi tekist til og er frístunda- og menningarfulltrúa þakkað gott og óeigingjarnt starf. Áætlað er að hefja undirbúning Fjölskyldudaga 2017 fyrr og í nánu samstarfi við félagasamtök í sveitarfélaginu.

Farið yfir sumarstarf í Vogum. Skýrsla um starfsemi vinnuskóla lögð fram og rædd. Fjöldi barna sótti leikjanámskeið á vegum sveitarfélagsins. Einnig voru golfnámskeið golfklúbbsins og knattspyrnunámskeið Þróttar vinsæl og vel heppnuð.

Afgreiðsla FMN.
FMN telur að sumarstarf hafi almennt heppnast vel. Nefndin, að frátöldum Guðmundi Kristni Sveinssyni, fagnar því að boðið hafi verið upp á akstur með bifreið sveitarfélagsins á golfnámskeið.

Farið yfir starfsemi í Álfagerði. Búið er að móta og gefa út dagskrá haustannar og er starfið farið á fullan skrið.

Afgreiðsla FMN.
FMN lýsir ánægju með öflugt og blómlegt félagsstarf eldri borgara í Vogum.

Starfsemi félagsmiðstöðvar er farin af stað. Verið er að kjósa í nemendaráð sem starfar bæði innan skólans og í tengslum við starfsemi félagsmiðstöðvar.
Hafin er vinna við undirbúning ungmennaþings sem áætlað er að halda í sveitarfélaginu í haust.

Afgreiðsla FMN.
Nefndin fagnar því að vinna við ungmennalýðræði sé komin af stað og væntir mikils af henni.

Rætt um að halda formlegan fund með fulltrúum félagasamtaka í október. Þar er ætlunin að fara m.a. yfir vetrarstarfið og stöðu og gerð samstarfssamninga.

Afgreiðsla FMN.
Ákveðið að senda bréf og boða til fundarins.

Einn nefndarmaður óskaði eftir að fá að ræða um frisbee golf. Slíkir vellir hafa notið aukinna vinsælda og finnast æ víðar.

Afgreiðsla FMN.
Nefndin tekur jákvætt í erindið og telur æskilegt að skoða jafnframt möguleika á að koma upp fótboltagolfvelli samhliða. Frístunda- og menningarfulltrúa er falið að afla frekari upplýsinga og vinna málið áfram.

Á 61. fundi FMN var m.a. á dagskrá málefni Þróttar. Þar lögðu fulltrúar D lista fram bókun sem stjórn Þróttar gerði athugasemdir við. Óskaði stjórnin eftir gögnum sem lægju að baki umræddri bókun og svaraði frístunda- og menningarfulltrúi um hæl að slík gögn lægju ekki fyrir. Þá sendi stjórn Þróttar bréf á FMN þar sem umræddri bókun D lista er svarað.

Afgreiðsla FMN.
Bréfin lögð fram.

Erindi vísað til FMN frá bæjarráði til kynningar.

Afgreiðsla FMN.
Lagt fram.

Fundargerð frá Samsuðfundi 30. ágúst

Afgreiðsla FMN.
Fundargerðin lögð fram.

Fundargerð frá Samsuðfundi 13. september

Afgreiðsla FMN.
Fundargerðin lögð fram.