Upplýsingasíða um áhrif Covid 19 á Sveitarfélagið Voga

Áætlanir Sveitarfélagsins Voga

 

 

Heimasíður stofnanna

Félagsþjónusta

  • Fjölskyldusvið Suðurnesjabæjar veitir íbúum Voga þjónustu samkvæmt Barnaverndarlögum nr. 80/2002 og lögum um félagsþjónustu sveitarfélaga nr. 40/1991. Vegna kórónuveirunnar og í samræmi við aðgerðaráætlun Suðurnesjabæjar og Sv. Voga um órofna starfsemi og þjónustu vegna COVID-19 smithættu verða breytingar á starfsemi og aðgengi að ráðhúsum sveitarfélaganna. Íbúar sem eiga erindi í þjónustuver til að fá ráðgjöf eða sækja um þjónustu eru hvattir til að senda tölvupóst á afgreidsla@sudurnesjabaer.is eða hringja í 425-3000.

Afgreiðslur ráðhúsanna í Garði og Sandgerði verða opnar virka daga frá kl. 11:00 – 13:00 og gildir það í óákveðinn tíma. Opnunartímar geta breyst með stuttum fyrirvara og verða breytingar auglýstar ef til kemur á heimasíðu Suðurnesjabæjar. Starfsfólk mun áfram leggja áherslu á að veita góða þjónustu en biðjum viðskiptavini um að sýna þolinmæði í ljósi aukins álags.

Skert þjónusta

  • Mánudaginn 16. mars eru starfsdagar í Heilsuleikskólanum Suðurvellir og Stóru-Vogaskóla vegna undirbúnings til að bregðast við COVID-19
  • Bókasafnið verður lokað frá og með mánudeginum 16. mars í óákveðinn tíma.
  • Skrifstofur Sveitarfélagsins Voga eru lokaðar frá og með mánudeginum 16. mars.
  • Fólk hvatt til að senda okkur tölvupóst eða hringja til að komast í samband við okkur. 
  • Félagsstarf aldraðra í Álfagerði liggur niðri frá og með  11. mars 2020. Allir hlutaðeigandi verða látnir vita um leið og hægt verður að hefja starfsemi að nýju.

Fundargerðir aðgerðarstjórnar

Hér undir fylgja fundargerðir aðgerðarstjórnar Sveitarfélagsins Voga:

Gagnlegar upplýsingar

Veggspjöld um hreinlæti

Hluta endurvinnsluefnis verður brennt

Mikilvægt að halda áfram að flokka

Umhverfisstofnun hefur það hlutverk, samkvæmt landsáætlun almannavarna vegna heimsfaraldurs, að gera áætlun um meðhöndlun úrgangs vegna smithættu af sorpi. Nú þegar lýst hefur verið yfir neyðarstigi höfum við í Kölku gripið til ýmissa ráðstafana til að starfsemin mæti kröfum þeirra verklagsreglna sem stofnunin hefur gefið út. Verklagsreglurnar fela m.a. í sér aukna almenna aðgát, aukin þrif og notkun persónuhlífa.

Við í Kölku höfum þegar byrjað að brenna hluta þess endurvinnsluefnis, m.a. úr grænum tunnum íbúa á Suðurnesjum, sem berst til okkar.

Efnið úr grænu tunnunni er alla jafna unnið áfram hjá samstarfsaðilum Kölku og er handfjatlað af starfsfólki. Við höfum því ákveðið að hluti þessa efnis skuli fara í brennslu. Eins og fram hefur komið í fréttum virðist COVID-19 veiran geta lifað býsna lengi á hörðu yfirborði eins og t.d. plasti og pappa. Það efni sem áfram fer til endurvinnslu er geymt í tvær vikur áður en það er meðhöndlað og fyllstu varúðar er gætt við vinnu við það.

Við viljum beina þeim tilmælum til fólks að hætta ekki að flokka í sínar tunnur þótt þessi staða sé uppi. Við viljum halda tunnunum hreinum og eiga þann möguleika að geyma eins mikið efni og kostur er, til vinnslu síðar. Hvað varðar það efni sem verður brennt þá er mikill kostur að hafa það sem mest aðskilið frá öðru sorpi svo hægt sé að skammta það inn í brennsluna í hæfilegum skömmtum. Það snýst bæði um stjórnun hitastigs í ofni og eftirbrennslu og að halda óæskilegum efnum í útblæstri í innan marka.

Þá viljum við einnig ítreka að þessi ráðstöfun er tímabundin og um leið og aðstæður leyfa verður þessari brennslu hætt. Stefnan er að allt endurvinnanlegt efni fari í endurvinnslu og henni verður fylgt áfram. Þessar tímabundnu ráðstafanir stafa eingöngu af því ástandi sem er uppi vegna COVID-19 og er, eins og margsinnis hefur komið fram, fordæmalaust.

Kalka

Getum við bætt efni síðunnar?